Shkarkohet Iuliano
Humbja me Kamzën 1-0, duket se ka qenë fatale për trajnerin italian të Partizanit, Mark Iuliano. Rezultatet e dobëta kanë bërë që drejtuesit e Partizanit të ndërpresin marrëveshjen me teknikun, si dhe me Aleksandro Dosenën.
Ndërkohë, Sulejman Starova do të marrë çelësat e ekipit nga e marta e 7 nëntorit. Edhe klubi i Partizanit e ka konfirmuar këtë lëvizje në njoftimin për mediat.
Njoftimi për mediat
Klubi Partizani komunikon se ka ndërprerë me marrëveshje, bashkëpunimin me trajnerin Mark Iuliano dhe zv. trajnerin Alexandro Dossena. Sulejman Starova do të jetë trajneri i ri në vijim të këtij sezoni futbollistik, duke filluar nga e marta e 7 Nëntorit , ditë kur skuadra në orën 11:30 do të rinisë përgatitjet. Klubi falenderon trajnerët Mark Iuliano dhe Alexandro Dossena për punën e zhvilluar deri tani në skuadër, duke i uruar njëkohësisht suksese në karrierë.
05.11.2017
Burimi: Tiranatoday.com
