Bashkimi Europian hap zyrtarisht negociatat me Shqipërinë. Shefja e Diplomacisë së BE-së, Federica Mogherini shpall vendimin e Komisionit Europian.
Zyrtare: BE shpall vendimin: hapim negociatat me Shqipërinë.
“Ne vlerësojmë politikën e zgjerimit të BE në një mënyrë të hollësishme, zgjerimi është në interesin tonë.
Do të them pak fjalë për Ballkanin Perëndimor.
Do të shkoj, në Tiranë, Shkup, Podgoricë dhe Beograd. Ballkani është Europë dhe do të jetë pjesë e së ardhmes së BE, të fortë dhe stabël, është përgjegjësi e përbashkët.
Ky është momenti që njohim arritjet pozitive.
Kemi forcuar angazhimin me rajonin përmes strategjisë për Ballkanin, që kreu Juncker po përgatit.
KE vendos hapjen e negociatave për Shqipërinë dhe Maqedoninë.
Po punojmë për Bosnjen dhe progresin për Kosovën”.
Në Tiranë, Romana Vlahutin shprehet se shqiptarët e meritojnë që t’u njihen përpjekjet që kanë bërë.
“Për ne është me rëndësi njohja e një progresi konstant. Ky është një proces historik ndryshimi dhe modernizimi dhe kërkon mjaft përkushtim, investim dhe durim.
Jam e lumtur që Shqipëria mund të ketë arsye të mira për të qenë e gëzuar.
Shqiptarët meritojnë që t’u njihen të gjitha përpjekjet”, tha Vlahutin.
Për lajm-shqip:
Ylli Pata
