Kjo ka ndodhur në Zvicër, ku Policia ka përdorur, helikopterin dhe qentë…për të kapur shqiptarin e arratisur! Ngjarja ka ndodhur në Kantonin Aargau të Zvicrës. Ndërsa kërkohen dhe 2 shqiptarë të tjerë.
Zvicër: Policia angazhon helikopterin dhe qentë…për të kapur shqiptarin!
Në Kantonin Aargau të Zvicrës është zhvilluar një aksion i madh policor, për të kapur tre grabitës në arrati. Deri më tani është arrestuar një kosovar 37-vjeçar. Informacioni, vjen nga zëdhënësi i policisë, Bernhard Graser, i cili thotë se:
“Bëhet fjalë për një turist 37-vjeçar nga Kosova, i cili paraprakisht, ka qenë i kërkuar me urdhërarrest”. Kërkimi për të arrestuarit e tjerë tashmë është ndërprerë, për momentin. Ndërsa, mobilizimi i helikopterit dhe i qenve nuhatës të policisë, dhanë rezultatet e pritëshme.
Megjithatë, ngjarja ka ndodhur kështu: Policia kishte rrethuar një pyll në të cilin dyshohet se gjendeshin tre të arratisurit. Një qen nuhatës u gjeti një gjurmë, mirëpo shpejt e humbi atë, në afërsi të pyllit. Ndërsa, helikopteri lokalizoi një person, i cili qëndronte i fshehur. Piloti i helikopterit e udhëzoi policen me qen, se ku gjendej personi, për ta arrestuar.
Informacioni për policinë, erdhi nga një kalimtare e rastit. Asaj, i kishin rënë në sy tre persona që kishin dashur të hynin në një shtëpi. Më pas, ata kishin hipur në një makinë me targa franceze, duke u larguar nga vendngjarja. Ndërsa, roja kufitare zvicerane, për të ndalur makinën, vendosi në rrugë barrierë me gozhda, por që plaçkitësit e kishin thyer. Grabitësit, e braktisën makinën dhe u futën në një pyll, duke ia mbathur në këmbë. Në makinën e braktisur policia ka gjetur mallra të ndryshme që dyshohet se janë të vjedhura.
Për lajm-shqip:
Leonard Xhelili