Një zjarr i fuqishëm u mori jetën 37 personave. Ata mbetën të bllokuar brenda një qendre tregtare në Davao, në jug të Filipineve. Ku dhe u dogjën të gjallë.
Mëngjesin e sotëm, një zjarr i fuqishëm shpërtheu në një qendër tregtare.
“Mundësia që të këtë të mbijetuar është zero”, deklaroi Presidenti i Filipineve. Një menaxhere e qendrës tregtare, tha se flakët filluan në katin e tretë. Aty ku tregtohen veshje, mobilje dhe elektroshtëpiake. Ndërkohë deri më tani janë nxjerrë vetëm dy trupa. Ndërsa të zhdukurit janë të gjithë punonjës të një kompanie që ndodhej në katin e katërt të ndërtesës.
24.12.2017
