Zinxhiri i vrasjeve në Burrel, letra e nënës për kryeprokurorin. Tre djem mu vranë nga dora e vëllezërve Doda
Në media u publikua atëherë letra e nënës e cila shkruante:
Ajo shkruante në letër se vëllezërit Doda akuzohen edhe për krime të kryera në Britani. Aty ku dhe i vëllai i tij po vuan dënimin për krime të ndryshme që kanë kryer në këtë shtet.
Xhevrie Dedja shkruan në letrën drejtuar krerëve të drejtësisë.
“Duket qartë se vëllezërit Doda e vazhduan aktivitetin e tyre kriminal edhe jashtë Shqipërisë. Ata kanë treguar kështu rrezikshmërinë e tyre kriminale jo vetëm për ne por për të gjithë shoqërinë dhe shtetin.
Ajo më tej thotë se Gentian Doda po akuzohet për vrasjen e djalit të saj Gazmir Dedja. Gjithashtu edhe të një qytetari tjetër të quajtur Asllan Gjoka.
“Unë kam dhënë shpjegime dhe kam provuar me fakte këtë vrasje në Prokurorinë e Rrethit dhe Komisariatin e Policisë Mat. Tani nuk ka më alibi për krimin që ka kryer ky vrasës sepse ka kërkuar gjykim të shkurtuar”, shkruante ajo.
Ajo e mbyllte letrën me kërkesën për drejtësi si nënë e vuajtur që shpreson dhe beson tek institucionet e drejtësisë.
“Dua vetëm drejtësi për familjarët e mi!” shkruante e moshuara. Por pas rigjykimit të çështjes, Gentian Doda dënohet me 8 vite burg dhe doli 2 muaj më parë nga qelia.
Në lidhje me vrasjen e Gazmir Dedjas prokuroria ka marrë në pyetje familjarët e viktimës si vëllain e tij Halit Dedja. Haliti është vrarë në vitin 2010 në Tiranë. Babain, Fehmi Dedja dhe ky i vrarë pas ngjarjes dhe nënën e viktimës Xhevrie Dedja.
Sipas prokurorisë, nga hetimi i çështjes ka rezultuar se nga viti 1997 e në vazhdim shkak i konfliktit me pasoja të rënda ka qenë përplasja e vazhdueshme ndërmjet dy familjeve.
Nga hasmëritë mes dy fiseve në Mat numërohen të vrarë 16 persona që prej vitit 1997 e në vazhdim.
Zinxhiri i vrasjeve mbetet ende i pazbuluar.
Procesi gjyqësor ndaj Gentian Dodës, i akuzuar për dy vrasje në vitin 1997 ka qenë një nga gjyqet më të monitoruara nga ambasada e SHBA-ve në Tiranë.
Ai është ekstraduar nga SHBA në vitin 2012 dhe për katër vite i ka kaluar të tria shkallët e gjyqësorit.
Burimi: Panorama
10.11.2017
