Zgjedhjet në KMSH, Berisha: Qeveria kërkon të ketë edhe fuqitë fetare…
Ish-kryeministri Sali Berisha, ka folur për zgjedhjet në KMSH, teksa u shpreh se ishte përfshirë në keto zgjedhje vetëm për t’i dalë kundër kandidatit Ylli Gurra, i cili sipas tij mbështetej nga qeveria.
Sipas Berishës, qeveria dëshiron të ketë të gjitha fuqitë, e për këtë arsye doli haptazi në mbështetje të një kandidati. Gjë që siç thotë ish-kryeministri, ai vetë nuk e ka bërë kurrë.
“Qeveria dëshiron që të ketë të gjitha fuqitë. I duhen edhe fuqitë fetare. Kjo nuk ka ndodhur kurrë. Qeveria të zgjedhë e të lobojë për kandidatin e saj. Unë s’kam guxuar kurrë. S’mund të rrijë Rama pa ndërhyrë. Unë ndërhyra pasi më erdhën dhjetëra mesazhe dhe pasi u publikuan në mediat. Nuk mbështeta asnjë kandidat, por dola kundër kandidatit të qeverisë. Unë nuk dëshiroja që ai të zgjidhej, për të shprehur qëndrimin e tim dola kundër. Nuk e di se sa kam ndikuar”, u shpreh Berisha.
Më tej, ish-kryeministri Berisha tha se disa deklarata nga eksponentë të klerit të Tiranës, janë të dënueshme.
“Disa deklarata nga eksponentë të klerit të Tiranës, janë të dënueshme. Si ajo e mbështetjes ndaj Edmond Begos. I ka dalë në krahë atij që shpërndan helm ndaj grave e fëmijëve për tu pasuruar vetë”, u shpreh ai.
Elona Tereziu
04.03.2019
