Sipas tabloidit anglez “The Sun” burri që kishte ndihmuar këngëtaren Demi Lovato të rrinte ‘e pastër’, pa stimuj droge për plot gjashtë vjet, qenka larguar disa javë më parë.
Zbulohet shkaku i overdozës me heroinë i këngëtares së njohur …
Mund të jetë prishja e marrëdhënieve me trajnerin Mike Bayer, njeriu që e ndihmoi të rrinte larg telasheve dhe substancave të rrezikshme për gjashtë vjet, shkaku i shtrimit të Demi Lovatos në spital.
Sipas ‘The Sun’, ish ylli i Dysney ishte viktimë e një overdoze heroine. Pak javë para se të ishte keq, ajo ka pushuar nga puna Bayer.
Shtrimi në spital erdhi pas vitesh kthjelltësie, rrëfyer edhe në filmin “Simply Complicated”.
“Ziheshin sepse ai e ndjente që këngëtarja po kërkonte justifikime për sjelljet e saj të gabuara dhe nuk i thoshte të vërtetën për gjërat që bënte”, shkruan tabloidi.
“Pas debatit të fundit ai i vuri në dukje gjëra që ajo nuk donte t’i dëgjonte. Gjithçka u bë shumë konfuze, sepse Mike ishte shkëmbi në të cilin ajo mbahej, pas përfundimit të marrëdhënies me Wilmer Valderrama”.
