Viti 2018-2019 mund të cilësohet si një ndër vitet më të pasuksesshme për skuadrën e Madritit. Dështimi në këtë sezon ka luhatur stolin e teknikut të Realit, Santiago Solari, i cili nuk besohet se mund të vazhdojë shumë gjatë në Bernabeu.
“Galaktikët” kanë nisur hulumtimet për të gjetur zëvendësuesin e Solarit.
Për ish-presidentin e “Los Blancos”, Ramon Calderon traijneri i duhur është Zinedine Zidan.
“Perez është një president i çuditshëm i cili na ka sjellë në këtë situatë. Ka mundësi të sjellë Mourinho tani, por për mua nuk ka asnjë risi. Në këtë moment të sezonit, çdo gjë që bëni do të jetë e gabuar. Opsioni i parë për presidentin gjithmonë ka qenë Mourinho. Gjithsesi, Zidane ka një derë të hapur në klub dhe ka lënë mundësinë e rikthimit në qershor.”-tha Calderon për mediat spanjolle.
Kujtojmë se Reali është përjashtuar nga Kupa e Mbretit dhe Champions League, respektivisht nga Barcelona dhe Ajax-i, duke ngelur në garë vetëm në La Liga.
Visar Quni
08.03.2019
