Javën e kaluar, një foto e Donald Trump i ulur në karrige, ndërkohë që të gjithë liderët e tjerë po qëndronin në këmbë gjatë samitit të G7-s, bëri xhiron e rrjetit dhe të gjithë njerëzit u bënë kureshtarë se për çfarë po diskutonin liderët gjatë atij momenti. Më në fund, është zbuluar se çfarë po ndodhte në ato momente midis liderve.
Zbulohet biseda që po zhvillohej midis Trump e liderve të botës, fotoja që bëri bujë
John Bolton, këshilltari i sigurisë kombëtare i Trump, qëndroi duke mbështetur presidentin. Duke treguar se konflikti mund të vendoset nga të dyja palët, ish- ambasadori i Kombeve të Bashkuara ka përdorur të njëjtën pamje pas largimit të hershëm të Trump nga samiti.
Bolton shkroi: “Vetëm një tjetër # G7 ku vendet e tjera presin që Amerika gjithmonë do të jetë banka e tyre. Presidenti bëri të qartë sot. Jo më.”
Kjo përgatiti terrenin për sulmin e Trump-it ndaj kryeministrit kanadez Justin Trudeau dhe tërheqjen e SHBA-ve nga një komunikatë për tregtinë e negociuar në përpjekje për të zbutur tensionet mbi politikën proteksioniste të Trump.
Fotografia shkaktoi koment të gjallë rreth botës. U komentua gjuha e trupit dhe çfarë mund të thoshte për marrëdhëniet midis SHBA-ës dhe aleatëve të saj në epokën e Trump.
Presidenti i SHBA-ve, Donald Trump, i ka habitur të gjithë liderët e tjerë kur ka filluar të flasi mbi terrorizmin dhe emigrimin e jashtëligjshëm. Ai i është drejtuar me ironi kryeministrit japonez Shinzo Abe. U shpreh duke i thënë se mund t’i dërgonte atij 25 milionë meksikanët që ai ta shihte se çfarë problemesh shkaktojnë ata.
Më pas, ai i ka thënë Presidentit francez, Emmanuel Macron, se “Të gjithë terroristët janë në Paris”.
Megjithatë, Trump në një konferencë për shtyp i ka mohuar të gjitha fjalët. Ai nuk është zënë me homologët e tij gjatë samitit dy -ditor. Ai ka folur edhe mbi këtë foto të bujshme, në të cilën kancelarja gjermane Angela Merkel shfaqet me dy duart në tavolinë dhe liderët e tjerë që i drejtohen Trump.
“Kam një marrëdhënie shumë të mirë me kancelaren Merkel. Por mediat i ekzagjerojnë ndonjëherë gjërat”, u shpreh ai mbi këtë çështje.
Për lajm-shqip:
Jorida Fataj
16.06.2018
