Nuk është vetëm mënyra se si zgjoheni ajo që përcakton humorin tuaj gjatë ditës.
Ja që ekzistojnë dhe disa rregulla të cilat mund t’i zbatoni. Rregulla që ju ndihmojnë të nisni mbarë ditën tuaj.
Një gotë uji dhe për të pasur humor ekspozohuni ndaj dritës natyrale
Të ngrihesh me këmbën e duhur është sekreti për të qenë produktiv gjatë gjithë ditës.
Kjo ju ndihmon të jeni energjik deri në mbrëmje si fizikisht ashtu edhe mendërisht.
Të ngjashme mund të lexoni:
Duke filluar me nga një gotë ujë çdo ditë kur zgjoheni dhe duke kaluar tek sporti në ajër të pastër, këtu janë disa truke për t’u përsëritur me kujdes çdo ditë.
Ju ndihmon të largoni stresin tuaj.
Një recetë e tillë vjen nga Namni Goel, profesor i psikiatrisë në Shkollën e Mjekësisë të Universitetit të Pensilvanisë (SHBA).
Sipas asaj që Goel ka thënë për NBC, “Mëngjesi është një moment kritik që mund të vendosë tonin e gjithë ditës.
Ai ndikon në shëndetin tuaj në afat të shkurtër dhe afatgjatë”.
Ja cilat janë rregullat që duhet të zbatoni:
1.PLANIFIKONI DITËN – Për të nisur ditën me këmbë të mbarë, ne e fillojmë që në mbrëmje, duke bërë ca planifikime për të nesërmen.
Ky planifikim duhet të bëhet të paktën për orët e para.
Mjafton që të vendosësh çfarë do të vishni dhe atë që do të hani për mëngjes, me sa duket vendime të parëndësishme që megjithatë, nëse merren në mëngjes, vjedhin kohën që mund të shpenzohet për çështje më të rëndësishme.
2.MOS PRISNI NË KREVAT – Mos rrini më në krevat pasi alarmi të bjerë sepse nuk vlen për asgjë, sepse në atë moment të shkurtër nuk mund të gjesh një gjumë cilësor, kështu që në fakt është një kohë e padobishme për pushim.
3.NDIQNI ORARE TË RREGULLTA – Të shkosh në shtrat dhe të zgjohesh në të njëjtën kohë është një ilaç për mendjen dhe trupin: në të vërtetë, shpjegon Goel, vetëm në këtë mënyrë organizmi do të mbajë të shëndetshme ritmet kardiake (që shënojnë alternimin e gjumit/zgjimit dhe shumë funksione të tjera biologjike.
4.NJË GOTË UJË SAPO TË ZGJOHENI – Shërben për të hidratuar trupin dhe gjithashtu për të aktivizuar metabolizmin.
Trupi ka nevojë për ujë për të rregulluar, për shembull, proçeset e tretjes.
Zbatoni këto rregulla, nëse dëshironi të nisni mbarë ditën tuaj
5.MEDITIMI – Mund të jetë një stërvitje e shkëlqyer për mendjen duke medituar çdo mëngjes: jep energji, kreativitet dhe përqendrim.
Sidomos në rastet kur meditimi dështon sepse keni vështirësi të fikni trurin dhe ta zbrazni atë nga shqetësimet, është më mirë të zgjedhni të shkruani një ditar, aktivitet që – si meditimi – qetëson, ndihmon përqendrimin dhe të menduarit krijues.
6.SPORT – Herët në mëngjes është jashtëzakonisht mirë, sepse liron ‘endorfinët’ (qetësues të natyrshëm) që mbeten rreth gjatë gjithë ditës.
7.DRITA – Ideale është që ta filloni mëngjesin duke u ekspozuar në dritë, sepse ajo rregullon ritmet tuaja dhe shuan gjumin (drita ndalon prodhimin e hormonit të gjumit, melatoninën).
Për më tepër, drita e diellit është e mirë edhe për humor.
8.NGRËNIA E MËNGJESIT – Domosdoshmëria e parë e ditës, një vakt i pazëvendësueshëm sepse ju jep energji dhe ul oreksin gjatë gjithë ditës.
Zgjidhni proteina dhe karbohidratet e shëndetshme nga frutat; u thoni jo ëmbëlsirave dhe ushqimeve që përmbajnë sheqerna të këqija.
Ata që e anashkalojnë mëngjesin janë më pak energjik dhe më shumë në rrezik për të fituar peshë, siç u theksua nga Goel në studimet e tij.
9.U KUSHTONI KOHË TË DASHURVE TUAJ – Të hash mëngjes me familjen apo të flasësh (apo qoftë edhe në telefon ndërsa shkojmë në zyrë) me dikë që na jep një humor të mirë është një mënyrë për të rimbushur me energji; shmangni njerëzit e vështirë në jetën tuaj aty ku është e mundur, sepse nuk do të ndikojnë mirë në mëngjes.
31.01.2018
