Ambasadori Donald Lu është takuar me kreun e shtetit shqiptar Ilir Meta një ditë pas një letre të botuar në media në lidhje me një letër të ish-kryeprokurorit Adriatik Llalla.
Zbardhet takimi Lu-Meta: Reforma në drejtësi kalon nga Presidenca.
Ish-Prokurori i Përgjithshëm theksonte se ambasadori amerikan i kishte kërkuar arrestimin e kreut të shtetit. Kjo deklaratë është përgënjeshtruar nga diplomati i SHBA, i cili e cilësoi si trillim i pastër.
Ambasadori Donald Lu i ka kërkuar sot takim Presidentit Meta për t’i shpjeguar situatën.
Pas interesit të mediave lidhur me këtë takim, ka folur Arben Cici, drejtori i Kabinetit të Presidentit Meta.
Ai tha se gjatë bisedës fokusi ishte tek integrimi europian i vendit dhe reforma në drejtësi.
“Presidenti i Republikës, Sh.T.Z. Ilir Meta priti sot në një takim Ambasadorin e SHBA-së në Shqipëri, me të cilin diskutuan mbi marrëdhëniet e shkëlqyera mes dy vendeve tona, dhe mbi çështjet aktuale të sigurisë rajonale dhe ndërkombëtare. U nënvizua rëndësia e ecurisë dhe implementimit të reformës në drejtësi, dhe u shkëmbyen mendime rreth situatës aktuale në vend.
Fryma e përzemërt, miqësore dhe bashkëpunuese karakterizoi, ashtu si gjithmonë, këtë takim”.
Për Lajm-shqip
Ylli Pata
