Zbardhet sherri që çoi drejt vetëvrasjes 47-vjeçaren, arrestohet bashkëshorti polic. Sot është vënë në pranga, efektivi i Policisë në Durrës, Sherf Hajdari. Hajdari akuzohet si shkaktari kryesor, për vdekjen e bashkëshortes së tij.
Zbardhet sherri që çoi drejt vetëvrasjes 47-vjeçaren, arrestohet bashkëshorti polic
Detaje të reja kanë dalë pas vetëvrasjes së 47-vjeçares, Merita Hajdari në lagjen nr.7 në Durrës ditën e djeshme. Burime nga policia bëjnë me dije se vetëvrasja ka ndodhur në oborr dhe jo në dhomën e gjumit siç u raportua ditën e djeshme.
Në momentin kur 47-vjeçarja Merita Hajdari është vetëvrarë, kanë qenë prezent burri i saj dhe kunata. Në një nga dhomat e shtëpisë ndodhej dhe nipi i çiftit. Ndërsa djali i çiftit në momentin e ngjarjes, nuk ndodhej në banesë. Ai s’ka patur dijeni për rrethanat e ngjarjes, pasi ndodhej në Sarandë. Megjithatë, 47-vjeçarja është vetëvrarë me armën e shërbimit të bashkëshortit.
Nga ana tjetër, policia ka marrë në pyetje të afërmit e çiftit. Ndërsa ata kanë treguar se gruaja kishte patur një konflikt verbal më herët me të shoqin…Kjo, për arsye familjare. Policia e Durrësit ka arrestuar bashkëshortin e saj, Sherif Hajdari, efektiv policie në Drejtorinë e Policisë së Portit në Durrës.
Hajdari është arrestuar pasi dyshohet se është shkaktari i vrasjes së gruas. Nga ekspertiza e grupit hetimor, rezulton se ngjarja është vetëvrasje nga ana shkencore, pasi Hajdarit iu gjetën në duar shenja baruti. Por sërish dyshohet se shkak për këtë, ka qenë konflikti me bashkëshortin.
Për Lajm-shqip
Leonard Xhelili
