Maqedonia pranon ndërrimin e emrit me përcaktim gjeografik ka bërë të ditur kryeministri Zoran Zaev.
Ai nuk ka dhënë detaje mbi emrin e mundshëm që do të shënonte një hap shumë të rëndësishëm në zgjidhjen e kontestit shumëvjeçar me Greqinë.
Pas takimit me ambasadorin e Bashkimit Evropian në Shkup, Samuel Zhbogar, Zaev tha se me rëndësi është që të vazhdojnë bisedimet me Athinën zyrtare.
Zaev tha gjithashtu se Maqedonia pranon ndërrimin e emrit me përcaktimin gjeografik.
“Ne, jemi të gatshëm për përcaktim gjeografik. Këtu do të ndalem paksa sepse është çështje e ndjeshme. Duhet t’i japim shans bisedimeve për arritjen e zgjidhjes. Në të njëjtën kohë, vendosëm bashkë që çdo ide e mundshme që do na shpie deri tek zgjidhja.
Gjithçka që mund të ndihmojë në zgjidhjen e problemit duhet ta shfrytëzojmë”, ka deklaruar Zaev.
Kryeministri ka njoftuar edhe për vendimin e Qeverisë për riemërimin e aeroportit “Aleksandri i Madh” në Aeroporti Ndërkombëtar i Shkupit, dhe të autostradës “Aleksandri i Madh” në Autostradën “Miqësia”.
www.lajm-shqip.com
