Ylli Manjani: Kryeministri pranon se ka shkelur kushtetutën, por sa herë…
Ish-ministri i Drejtësisë Ylli Manjani ka shkruar në profilin e tij në Facebook se kryeministri më në fund ka pranuar se ka shkelur Kushtetutën duke propozuar për Ministër të Brendshëm një gjeneral aktiv.
“Sipas nenit 69.1/b të Kushtetutës, ushtarakët aktivë nuk lejohet që të kandidojnë për deputetë. Nga ana tjetër neni 103.1 e Kushtetutës, barazon statusin juridik të ministrit me deputetin. Pra nëse nuk bëhesh dot deputet, nuk bëhesh as ministër.
Karafil-Kryeministri e pranoi se e ka shkelur këtë rregull të Kushtetutës, vetëm sot që propozon nxjerrjen e gjeneralit nga shërbimi aktiv!”, shprehet Manjani.
Gjithashtu ai shton se Rama është dhunuesi më i madh i Kushtetutës. Sipas tij, Rama e ka shkelur kushtetutën në raste edhe më të rëndësishme, duke filluar me tërësinë territoriale e deri tek zhdukja e parave e pasurisë publike në mënyrë abuzive.
Ylli Manjani: Kryeministri pranon se ka shkelur kushtetutën, por sa herë…
Ja çfarë shkruan Manjani në profilin e tij në Facebook:
“Kush është dhunuesi i Kushtetutës?!
———————-
Karafil-Kryeministri e pranoi me në fund vetë, shkresërisht, se ka propozuar një Gjeneral aktiv për detyrën e Ministrit.Për sqarim: sipas nenit 69.1/b të Kushtetutës, ushtarakët aktivë nuk lejohen as të kandidojnë për deputetë. Të zgjidhen jo e jo.
Nga ana tjetër neni 103.1 e Kushtetutës, barazon statusin juridik të ministrit me deputetin. Pra nëse nuk bëhesh dot deputet, nuk bëhesh as ministër.
Kjo është Kushtetuta!
Karafil-Kryeministri e pranoi se e ka shkelur këtë rregull të Kushtetutës, vetëm sot që propozon nxjerrjen e gjeneralit nga shërbimi aktiv!
Por nga ana tjetër do ti duhet ti japë llogari dikujt si e emëroi Zv. Ministër personin që nuk e bënte dot ministër në shkelje të Kushtetutës?!
E kujtoni sa helm ha hedhur gjithë këto ditë, për medemek “shkelje të Kushtetutës” nga Presidenti?! Nuk ka ndodhur vjet as para një muaji, por javën që kaloi.
Ja si u katandis Karafili! Mrekullia Kushtetuese e këtij vendi!
Dhunuesi më u madh i Kushtetutës e ligjeve të këtij vendi.
SPAK do të duhet të hetojë mirë këtë Kryeministër, praktika e punës e të cilit nisen dhe përfundon në injorim dhe dhunim total të Kushtetutës dhe ligjeve!
Nuk është vetëm çështja e marrëdhënieve emërim shkarkim, por ka gjëra të tjera që kanë sjellë pasoja të rënda, duke filluar nga tërësia territoriale e deri tek zhdukja e parave e pasurisë publike në mënyrë abuzive”.
Për lajm-shqip:
Klajdi Thaçi
12.11.2018
