Ish-ministri i Drejtësisë, Ylli Manjani, ka reaguar përmes një postimi në rrjetet sociale, lidhur me vendimin e gjyaktës për të mbajtur në burg 11 qytetarë të Kukësit, të arrestuar pas protestës së të shtunës në rrugën e Kombit.
Ylli Manjani shkruan se gjyqtarja duhej të ishte dorëhequr nga kjo çështje.
Kjo pasi bashkëshorti i saj është drejtues në Policinë e Shtetit!
Postimi i Ylli Manjanit:
Lexojeni vetë pikën ë të paragrafit 1. Është neni 17 i Kodit të Procedurës Penale.
Gjykatësja e Kukësit, përveçse gjykon në Tiranë, nuk e dimë se në bazë të cilit ligj, nuk bind në PAANSHMËRINË e saj.
Bashkëshorti i saj është drejtues në Policinë e Shtetit!
Këto arrestime që ajo gjykon nuk janë bërë nga gjykata por nga Policia. Në këto raste Policia i përdor bashkshortët për të justifikuar veten…
Do kishte qenë në nderin e saj, përveç se në respekt të ligjit, që të dorëhiqej nga kjo çështje!
Cilido qoftë vendimi i saj, do jetë i paragjykuar!
E përsëris: që prej orës 10:00 sot ata janë ligjërisht të lirë…
www.lajm-shqip.com
