Vrasja e mbrëmshme në Lushnje ka ngritur në alarm policinë. 44 vjecari Hoxha u vra në pragun e shtëpisë rreth orës 22.45 të natës së mbrëmshme. Ai ka qenë në lokalin e vëllait të vet në fshat 5 minuta para ekzekutimit. Sapo është afruar portës së banesës është ekzekutuar me një plumb të vetëm.
Vrasja e ish-kryeplakut në Lushnjë, dyshime për konflikt prone..
Krisma është dëgjuar nga të afërmit të cilët kanë shkuar menjëherë. Ai është gjetur i pajetë ndërsa autori ende nuk dihet. Për komunitetin dhe policinë viktima nuk njihej me probleme. Burime të sotme nga Lushnja thonë se shkak mund të jetë një konflikt mbi pronësinë. Bëhet fjalë për një rezervat peshku në fshat. Këtu janë ndalur hetimet dhe po “gërmohet” për autorin e mundshëm. Viktima jetonte me bashkëshorten. Ndërsa djali i vetëm i të ndjerit punon si emigrant në Greqi..
Vladimir Muçaj
10.10.2018
