I ndërtuar në vitet 60-të, pallati ka pësuar dëmtime të konsiderueshme. Ndërsa një pjesë ballkoni është shkëputur gjatë paradites së kësaj të mërkure duke rrezikuar jetën e kalimtarëve. Fatmirësisht në momentet kur pjesët e betonit janë shkëputur nuk ka patur persona apo kalimtarë, duke evituar kështu një tragjedi të vërtet. Por dëmtimet vihen re edhe në disa pjesë të tjera të pallatit, ndërsa rreziku është evident. Në vend janë vendosur shenja paralajmëruese për kalimtarët.
Vlorë shkëputet ballkoni, nuk ka të lënduar…
Por në çdo moment, mund të ketë të tjera dëmtime. Në bashkinë e Vlorës, konfirmojnë se është dhenë një leje emergjente për nderhyrje. Për të evituar të tjera situata problematike, por gjendja në pallat mbetet shqetësuese. Prej viteve 60-të kur edhe është ndërtuar pallati nuk ka patur ndërhyrje të tjera. Ndërsa konfirmohet se ndërtimet shtesë të kryera në objekt gjatë viteve të fundit janë shkak për dëmtimet e pësuara. Pallati ka shfaqur probleme edhe në disa ballkon dhe dritare. Teksa kërkohet një studim i detajuar për të evituar problematikat.
Jerola Ziaj
29.04.2018
