Një ngjarje e rëndë u shënua mbrëmjen e vonë të së hënës në fshatin Gjormë të Vlorës. Emigranti shqiptar i kthyer nga Greqia vret bashkëfshatarin e tij.
Të ngjashme mund të lexoni:
Mariglen Memaj dhe Artion Shenaj janë viktima të vrasjes dhe vetëvrasjes. Mësohet se sherri mes dy bashkëfshatarëve që jetonin jashtë vendit, por që ishin kthyer për pushime ka ndodhur në lokalin e fshatit Gjormë.
Sipas policisë, pas grindjes 33 vjeçari Artion Shenaj u largua për të marrë kallashnikovin në banesën e tij. Ai u rikthye sërish aty pas disa minutash dhe qëlloi me breshëri kallashnikovi 35 vjeçarin Mema duke e lënë të vdekur.
Emigranti shqiptar me precedent penal në Greqi
Më pas autori u arratis nga vendi i ngjarjes dhe kur mbërriti afër shtëpisë së xhaxhait i dha fund jetës së tij me po të njëjtën armë.
Të dy viktimat kanë jetuar prej vitesh jashtë shtetit.
Policia po heton në pistën e një konflikti të hershëm mes tyre, por nuk përjashtohet edhe mundësia e një sherri për motive të dobëta.
Burime nga policia kanë konfirmuar se 35 vjeçari Mema rezulton me precedentë penalë për trafik droge në Greqi ku qëndronte prej vitesh.
35 vjeçari ishte i martuar dhe me dy fëmijë.
Ai kishte ardhur në vendlindje për festat e fundvitit dhe për pak ditë do kthehej në vendin fqinj.
Edhe bashkëfshatari i tij Shenaj ishte i sapokthyer në atdhe. 33 vjeçari mësohet se është dënuar disa herë për grabitje në Belgjikë dhe vende të tjera.
15.01.2018
