Një sjellje e çuditshme e drejtuesit të një automjeti sa në njërin krah në tjetrin ka alarmuar policinë.
Jonus.O, 62 vjeç, banues në Vlorë është prangosur nga ana e policisë pas rrezikut të përplasjes me disa automjete. Qytetari në fjalë ishte duke drejtuar mjetin e tij në gjëndje të dehur.
Drejtonte mjetin në gjendje të dehur. Arrestohet nga Policia
Ai është kapur nga shërbimet e Qarkullimit Rrugor në lagjen “Hajro Çakërri”, në rrugën “Sulejman Delvina”, duke drejtuar mjetin tip ”Audi”, në gjendje të dehur.
Sipas burimeve nga policia niveli i alkolit ishte tepër i lartë, ndërkohë që për disa qindra metra nuk i është bindur as efektivëve të policisë.
Pasi është ndaluar ai ka deklaruar se nuk i ka dëgjuar sirenat dhe ka mohuar të kishte pirë.
Pas testit ka rezultuar se gradacioni i alkolit ishte shumë më lartë se normalja, ndërkohë që e gjithë makina vinte era alkol.
Ai ka refuzuar të shkojë në komisariat, por shoqërimi i tij është bërë forcërisht.
Enrik Mehmeti
26.01.2018
