Vlora “ digjet” sërish, dyshohet zjarrvënie e qëllimshme…
Qyteti i Vlorës është tronditur sërish mëngjesin e sotëm, në zonën e ujit të ftohtë. Pesë makina janë djegur në garazhin e nje pallati. Paraprakisht dyshohet për zjarrvënie të qëllimshme. Ndërkohë informacionet e para bëjnë me dije se dy prej automjeteve janë në pronësi të drejtorit të Shërbimeve në Bashkinë e Vlorës, Gent Sherifit dhe bashkëshortes së tij.

Uniformat blu kanë dhënë pak detaje mbi ngjarjen. Ata thonë se pranë vendit ku ndodheshin makinat e djegura janë gjetur shishet e lëndës djegëse.

Për fat të keq flakët kanë përfshirë më tej edhe 3 automjete të tjera. Policia dhe grupi hetimor po punojnë për zbardhjen e rrethanave të ngjarjes. Edhe pse ka dyshime mbi këtë veprim, shkaqet mbeten ende të panjohura, sikurse edhe autori apo autorët e ngjarjes.

Për lajm-shqip:

Erjona Keta

26.02.2019