Stinët nuk kanë lidhje fare me politikën! Për kronologji kohore. Dëshiroj të them disa fjalë meqënëse dhe politika rrjedh përmes kalendarit stinorë.
Presidenti Meta nuk dekretoi për ministër propozimin e kryeministrit. Të dy janë në të drejtën kushtetuese!
Edi Rama propozon. Presidenti aprovon! Nuk aprovon! Për herë të parë në historinë presidenciale ndodh një gjë e tillë.
Për Presidentin Ilir Meta kandidatura ishte e pabesueshme. Për mendimin tim kjo sjellje institucionale është e mirë!
Vjeshta politike paralajmëron një dimër të acartë politike!..
Them është e mirë. Në plan të parë tregon seriozitet dhe pavarësi institucionale. Në këto rrethana Edi Ramës i duhet të “shtrydh” vendimarrjen.
Një emër tjetër duhet të çoj në Presidencë. Nëse kandidatura pasardhëse është ok këtu mbyllet “historia” për rastin Kryeministri-Presidencë!
Përtej qëndrimeve dhe vendimarrjeve çpo ndodh në prapaskenë?
Erion Braçe shpërtheu kundër Metës. Ai citoi o të iki Meta ose unë largohem nga PS-ja!.. Zor të besohet se Braçe në këtë rast foli me gjuhën e tij!
Pas mosdekretimit Rama porositi të vetët. “Mos komentoni vendimin e Presidentit:-tha deputetëve.
Ndërsa foli vetë..”Politika është shah tha ai..Mosdekretimin e ministrit Lleshaj nuk besohet se maxhoranca e ka pritur mirë! Të gjithë me zë e pa zë janë kundër Presidentit!
Pavarësisht këtij fakti Ilir Meta tregoi se nuk është një noter i kryeministrit Rama! Ai zbatoi kushtetushmërinë! Respektoi qëndrimin e vet të mbështetur në kornizat e kushtetushmërisë!
Ky vendim presidencial nuk ka ndodhur më parë. Lind pyetja: A do ketë acarim të dukshëm politik në vijim?
Dhe më naivët nuk mund të pranojnë të kundërtën! Klima mes palëve do jetë e akullt. Njësoj si stina dimërore. Në cdo rrethanë Ramës nuk i intereson acarimi.
Ai do zgjedh rrugën e zbutjes! Gjithsesi nuk është fundi i botës politike mosdekretimi i një ministri! Le të presim cilin emër rezervë ka kryeministri për ministër rendi!
Vladimir Muçaj
04.11.2018
