Një dhëndër u divorcua prej nuses së tij 15 minuta pasi u martuan. Ai u ndje i ofenduar nga kërkesat e vjehrrit të tij i cili ngulmonte të merrte paratë në këmbim të së bijës sa më shpejtë.
Dhëndri pranoi që t’i paguante vjehrrit 20.000 paund për martesën në Dubai, por ky i fundit nuk po duronte për të marrë paratë.
Anëtarët e familjes dhe miqtë shoqëruan çiftin në gjendjen civile për të nënshkruar kontratën e martesës. Dhëndri dorëzoi fillimisht 10.000 dollarë ndërsa pjesën tjetër do t’ia jepte më vonë. Megjithatë vjehrri i kërkoi të gjitha paratë menjëherë.
Dhëndri i kërkoi që të shkonte t’i merrte në makinë, por vjehrri në vend që ta lejonte, i tha që të dërgonte një mik ose të afërm t’i merrte paratë ndërsa vetë të qëndronte në gjendjen civile.
Vjehrri kërkon t’i shesë të bijën me para, dhëndri ofendohet dhe…
Prej këtyre kërkesave të pacipa prej vjehrrit, dhëndri vendosi të heqë dorë nga martesa.
Ai i tha babait të nuses se nuk e donte vajzën e tij si grua dhe u divorcua në më pak se 15 minuta pas nënshkrimit të kontratës së martesës.
Por kjo nuk është martesa më e shkurtër në historinë e emirateve, një tjetër zgjati vetëm pak sekonda.
Në vitin 2012 dhëndri u largua nga gjendja civile sepse vjehrri i kërkoi që ta linte nusen të punonte.
Për lajm-shqip:
Klajdi Thaçi
24.05.2018
