Vjedhjet janë kthyer në një ankth të vërtetë për qytetarët korçarë
Vjedhjet kthehen në ankth për qytetarët korçarë
Përgjatë ditëve të fundit, Policia e Korçës ka vënë në pranga disa persona.
Ata akuzohen për një sërë vjedhjesh, kryesisht të banesave, makinave, aparateve celularë dhe të portofolave.
Sipas të dhënave zyrtare nga blutë e Korçës, vetëm muajin e fundit, janë vënë në pranga 6 persona.
Ata akuzohen si autorë të disa vjedhjeve në zona të ndryshme të qarkut.
Ndërkaq, ditën e sotme Specialistët e Seksionit për Krimet bënë kapjen dhe arrestimin në flagrancë të shtetasve:
Xheki Muslli dhe Taulant Gjatolli, të dy banues në fshatin Bulgarec.
Në bashkëpunim me njëri-tjetrin, ata i kanë vjedhur portofolin shtetasit T.Ç, 32 vjeç, banues në Bulgarec.
Brenda tij, ky i fundit kishte disa dokumenta dhe një sasi parash.
Ndërkaq, vijon puna për ndalimin e këtij fenomeni.
Si dhe identifikimin e personave të tjerë të dyshuar në disa vjedhje të regjistruara në Qarkun e Korçës.
Për Lajm Shqip
Ledjona Xheladinaj
