Një 48 vjeçar nga rrethi qarku i Beratit është prangosur nga policia. Ai është kapur duke transportuar me mjetin e ti j 600 litra naftë. Drejtoria Vendore e Policisë Berat, i referohet informacionit nga Seksioni kundër krimit ekonomik e financiar.
Vjedh 600 litra naftë në Gazsjellës, arrestohet 48 vjeçari….
Sipas këtij të fundit, Specialistët e Seksionit për Hetimin e Krimit Ekonomik dhe Financiar bënë arrestimin në flagrance të një shtetasi. Sipas burimit zyrtar, ai është, S.S., 48 vjeç, banues në fshatin Teman, Skrapar.
Arrestimi i tij u bë pasi u kap nga shërbimet e policisë në rrugën nacionale Berat – Skrapar.
Ai, në afërsi të fshatit Zhitom me mjetin e tij tip ‘Ford ATP’, transportonte 600 litra naftë. Sasia dyshohet të jetë e vjedhur nga kantierët e një firme gazsjellësi. Në cilësinë e provës materiale u sekuestruan 600 litra naftë. Po ashtu, edhe automjeti tip ‘Ford ATP’ së bashku me dokumentacionin e mjetit dhe një aparat celular.
Materialet i kaluan Prokurorisë së Rrethit Gjyqësor Berat. Ai akuzohet për veprën penale, “Përvetësimi i parave ose mallrave që rrjedhin nga vepra penale ose veprimtaria kriminale’’.
Për Lajm-shqip
Alfrida Danushi
