Po vijon rritjen çmimi i naftës, ai kap nivelin më të lartë, që nga viti 2014!. Çmimet e naftës do të vazhdojnë të rriten, duke prekur pikën më të lartë, në kurbën e indeksit, të katër viteve të fundit.
Vijon rritjen çmimi i naftës, mbërrin në nivelin më të lartë që nga viti 2014
Kjo, për shkak se Beinxh-markët kryesorë po ndikohen, nga tensioni në Lindjen e Mesme. Pavarësisht shenjave pozitive, për një rritje të prodhimit në SHBA. Vetëm gjatë 4 sesioneve të fundit, nafta Brent, ka fituar rreth 5.7% të vlerës. Duke prekur kështu, nivelin e 71.3 dollarë për fuçi.
Ndërsa, Nafta Bruto amerikane, po tregtohet në rreth 65.5 dollarë për fuçi. Shtetet e Bashkuara të Amerikës dhe aleatët e tyre, po përgatiten për sulme ajrore, kundër forcave të presidentit sirian, Bashar al-Assad. Kjo, për shkak të dyshimeve, se gjatë fundjavës, ato kryen një sulm me gaz helmues ndaj civilëve. Agjencia pan-Europiane e kontrollit të trafikut ajror, Eurocontrol, deklaroi se sulmet ajrore me raketa nga toka, mund të kryhen brenda 72 orëve.
Siria nuk është një prodhues i rëndësishëm i naftës, në botë. Por çdo shenjë e konfliktit në rajon mund të shkaktojë çrregullime të furnizimit me naftë nga Lindja e Mesme. Por çmimet po ndikohen dhe nga mundësitë, që SHBA, të rivendosin sanksionet ndaj Iranit. Por, megjithatë analistët paralajmërojnë se, jo të gjithë indikatorët sugjerojnë se, çmimet e naftës do të vijojnë rritjen,
Gjithsesi, rezervat e naftës në SHBA u rritën me 1.8 milionë fuçi, gjatë javës së fundit. Duke arritur, në totalin e 429.1 milionë fuçive. Ndërsa, analistët parashikonin një rënie me 189,000 fuçi. Agjencia për Informimin mbi Energjinë në SHBA deklaroi se, prodhimi i brendshëm i naftës do të rritet më shumë se vlerësimet paraprake, gjatë vitit 2019.
Leonard Xhelili
