Artisti dhe DJ i famshëm suedez, Avicii, ka vdekur në moshën 28 vjeçare në Oman. Lajmin e kanë bërë të ditur përfaqësuesit e tij përmes një deklarate. Ai u gjet i vdekur në Muscat të Omanit mesditën e së premtes së 20 prillit.
Ngushëllimet e Rita Orës
Këngëtarja shqiptare me famë botërore, Rita Ora ka reaguar pas lajmit për vdekjen e DJ me famë botërore, Avicii. Ai ndërroi jetë të premten në një lokal dhe e gjithë bota vajtoi për humbjen e një artisti kaq të talentuar, në një moshë shumë të re, vetëm 28 vjeç.
Video/ Rita Ora e shkatërruar dhe zemërthyer për humbjen e njeriut të dashur …
Rita ka bashkëpunuar me Avicii-n për të bërë këngën “Lonely Together”, e cila është mjaft e famshme. Ajo ka ndarë në profilin e saj në Twitter një status, në të cilën shpreh ngushëllimet e saj familjes dhe fansave të DJ, si edhe tregon se ‘është zemërthyer dhe e shkatërruar nga ky lajm”.
“Nuk kam asnjë fjalë. Mund ta kujtoj qartë se sa e mrekullueshme ishte të krijoje ‘Lonely Together’ me atë dhe më duket sikur dje kur ne flisnim bashkë. Ngushëllimet familjes së Avicii, shokëve dhe fansave që e mbështesnin atë. Le të prehet në paqe, i ikur shumë shpejt. Jam e shkatërruar dhe zemërthyer”, ka shkruar ajo.
Për lajm-shqip:
Jorida Fataj
