Kryeministri Edi Rama prezantoi projektet e reja të qarkut të Vlorës, ku tha se aeroporti i Vlorës do të hapë rreth 27 mijë vende të reja pune. Do të jetë një aeroport ndërkombëtar që do të jetë konkurrues i drejtpërdrejtë me Rinasin.

“Nga pikëpamja e parametrave do të jetë jashtëzakonisht cilësor dhe nga pikëpamja e çmimeve do të jetë shumë më i favorshëm për udhëtarët, qofshin vendas, e qofshin vizitorë. Jemi drejt përfundimit të negociatave që të kemi aeroportin e Vlorës me tarifat më të ulëta në rajon. Kjo ka qenë kërkesa jonë”, tha Rama, duke shtuar se kërkesë është dhe për një aeroport mallrash, jo vetëm udhëtarësh.

Rama tha se vetëm në periudhën mars-maj 2018 janë bërë 10 mijë punësime të reja. Ndërsa për pagat, ku dha një paralajmërim për kompanitë.

www.5min.al

Video/ Projektet në Vlorë, qytetari: ‘O trim, a do hapen negociatat? Rama: ‘Po mo shqiponjë …

Sipas Kryeministrit, në 4 vitet e fundit janë investuar 130 milionë dollarë në zonën e Vlorës, ndërkohë që janë 57 projektet që do të financohet nga buxheti i shtetit për periudhën 2018-2020.
Edhe në Vlorë, Kryeministri u prit me protesta nga një grup aktivistësh të opozitës.

Së bashku me deputeten demokrate Nada Meçorapaj, ata kanë kërkuar që të hyjnë në ambientet e Pallatit të Sportit ku zhvillohej aktiviteti i Ramës, por nuk janë lejuar nga Policia.

ERTV Live😊(PJESA II): Vlorë – Projektet e reja për qarkun. #përVlorënqëduam#përHimarënqëduam#përSarandënqëduam#përDelvinënqëduam#përSelenicënqëduam#përFiniqinqëduam#përKonispolinqëduam

Publiée par Edi Rama sur Samedi 23 juin 2018

“Të kemi rritje të pagave të ulëta në radhë të parë deri të sfida e regjistrimit real të pagave, sepse 41% e të punësuarve në kompani të mëdha figurojnë me pagë 300 mijë lekë. Kjo është gënjeshtër. E vërteta është që kompanitë i regjistrojnë me 300 mijë lekë që të shmangin taksat, pasi deri në 300 mijë lekë nuk ka asnjë taksë mbi pagën dhje pjesën tjetër ia japin në të zezë. Kjo është një betejë që i takon kësaj faze për t’i shtrënguar kompanitë të deklarojnë pagat reale të kësaj faze dhe për të garantuar që punonjësit të sigurohen siç duhet për nga niveli pagesës në mënyrë që të marrë një pension më të lartë nesër”, tha Rama.

Por të shumtë kanë qenë qytetarët që i kanë komentuar në “Facebook” Ramës lidhur me çmimin e kripur të biletave. Edhe nga ana e tij kryeministri nuk ka hezituar pa iu përgjigjur disa prej komenteve.