Në një video, shfaqen dy policë që i përplasin fytyrën në dysheme një të dyshuari gjatë momentit të arrestimit. Policët janë pezulluar nga puna pasi kjo video u bë virale.
Arrestimi i dhunshëm është kryer në Pensilvani. Në këtë video të filmuar me aparat cellular, duket qartë i dyshuari që qëndron i shtrirë dhe policët e kanë kapur në kokë dhe ia përplasin fytërën në dysheme.
Policë i përplasin të arrestuarit kokën disa herë në dysheme. Përfundon në spital.
Një vëzhgues i tmerruar dëgjohet duke iu lutur policëve:
“Mos e vrisni”.
Kur oficeri i policisë ndaloi së godituri kokën e të arrestuarit në dysheme, i dyshuari qëndronte pa lëvizur dhe duket se e ka humbur vetëdijen.
“Unë mendoj se ai është i vdekur” u shpreh vëzhguesi që po filmonte. Kjo video është parë në Facebook më shumë se tre milionë herë. Një fotografi që i është bërë vendit të ngjarjes, pas arrestimit, tregon gjakun e derdhur në dysheme.
I dyshuari u trajtua për dëmtimet në kokë dhe u dërgua në spital. Më pas u dërgua në burgun e Qarkut Lawrence për t’u akuzuar për disa vepra të lehta penale.
Për lajm-shqip:
Klajdi Thaçi
26.04.2018
