Duket se Diego Armando Maradona i është kthyer përsëri veseve të vjetra dhe prova erdhi dje, gjatë ndeshjes Argjentinë-Nigeri. Legjenda e futbollit botëror dukej që në fillim që nuk ishte në gjendje të mirë psikologjike. Ai ka pasur shpërthime emocionale para fillimit të ndeshjes për tifozët argjentinas.
Video/ Maradona nuk ishte parë ndonjëherë në këtë gjendje, përfundon në spital …
Më pas, ai filloi disa sjellje të çuditshme në momentin e shënimit të golit të Mesit, për të vazhduar më pas me momente kur kamerat e filmuan duke fjetur gjumë pak para pushimit të sfidës. Në pjesën e dytë, Maradona u tërbua duke u bërë me gisht të mesit tifozëve të ndryshëm në tribunë, por në fund, ai thuajse pësoi kolaps.
Në disa pamje që po bëjnë xhiron në rrjetet sociale, shfaqet legjenda argjentinase duke u larguar ngadalë drejt ambienteve të brendshme të stadiumit. Ai shihet i pafuqishëm për të ecur vetë. Lojtari është vënë menjëherë nën kontrollin e mjekëve të pranishëm për të kuptuar se çfarë solli këtë situatë, edhe pse në fakt të gjithë duken të sigurt se këto janë pasojat e rikthimit prej disa kohësh te veset e vjetra të tij.
Për lajm-shqip:
Jorida Fataj
27.06.2018
