Itali: Bie në prangat e Guardia-s ‘transporteri’ vlonjat i drogës. Ja emri… Korrieri shqiptar, po udhëtonte me një ngarkesë të konsiderueshme droge me vete. Por është ndaluar rastësisht nga policia, të cilët e kanë vënë më pas në pranga.
Itali: Bie në prangat e Guardia-s ‘transporteri’ vlonjat i drogës…
Ngjarja ka ndodhur gjatë një kontrolli rutinë, kur Policia Stradale italiane, e ka ndaluar dhe më pas ka arrestuar një korrier shqiptar droge. Ai quhet Krenar Neziraj, 49 vjeç nga Vlora dhe rezident në Santa Vittoria, i cili transportonte 35 kile hashash.
Gjithsesi, 49 vjeçari Neziraj, u ndalua për një kontroll të makinës së tij, Fiat Croma, por që në momentin e parë u përpoq të largohej. Kjo solli ndërhyrjen e skuadrës së lëvizshme të operacioneve speciale ‘ROSS’. Ndërsa gjatë kontrollit të makinës, policia zbuloi një hapësirë të modifikuar, në të cilën ishin fshehur 34 pako hashashi me peshë mbi një kile. Droga ishte e ndarë në doza, dhe kishte një vlerë prej 350 mijë euro.
Ndërkaq bëhet e ditur se Neziraj, me leje qëndrimi të rregullt në Itali, nuk ka pasur precedentë të mëparshëm penalë. Për më tepër shihni videon:
Leonard Xhelili
10.07.2018
