Vëzhguesit e OSBE/ODIHR… Qindra raportime për shitblerje e votave
•OSBE- Në Shqipëri qarkulluan 1.2 miliardë euro të ardhura nga…
Vëzhguesit ndërkombëtarë konstatojnë se janë raportuar dhe denoncuar raste pafund të shitblerjes së votave në të gjithë vendin.
Për 400 raste të denoncuara në policinë shqiptare për dhënie parash në këmbim të votës nuk dihet se çfarë po bëjnë prokurorët
Thuhet troç. Shitblerja e votave nuk është më thjesht legjendë urbane, por një fenomen i përhapur në Shqipëri.
Konstatimi është bërë nga shefi i misionit të vëzhguesve të OSBE/ODIHR Peter Tejler.
Ky i fundit deklaroi dje se ka pasur qindra të raportuara, por që sipas tij nuk ka ende informacion se çfarë ka bërë prokuroria me këto denoncime.
Ne na shqetëson fakti se çfarë po bëjnë prokurorët aktualisht me këto denoncime, por më tej ne nuk kemi ç’të bëjmë me procesin gjyqësor.
Nuk mund të parashikojmë çdo të bëhet, ky duhet të jetë një proces legal i gjykimit a janë ata njerëz të pafajshëm apo fajtorë. Ndërsa për masën e dënimit të tyre kjo bazohet në ligjet tuaja.
Mund t’u vëmë në dukje se realisht nuk ka pasur asnjë protestë ndaj rezultatit përfundimtar të zgjedhjeve. Asnjë kontestim as nga votuesit as nga partitë.
E rëndësishme është që votuesit, partitë politike në momentet kur numëroheshin votat, kur Komisioni Qendror i Zgjedhjeve deklaroi zyrtarisht rezultatin, askush nuk tha unë nuk e pranoj”.
Ndërkohë që pritet nisja e punës së Komisionit të Reformës Zgjedhore, Tejler këshillon që procesi të jetë gjithëpërfshirës.
“E para nevoja për krijimin dhe ndërtimin e besimit tek sistemi mes politikanëve dhe votuesve, dhe për të arritur këtë qëllim.
Duhet të jetë një proces që duhet të përfshijë një rreze të gjerë të shoqërisë shqiptare.
Ështe i domosdoshëm që procesi të kryhet në kohë e duhur , në ato pika ku ka vështirësia është e madhe për të rënë dakord nga vëzhguesit
Gjithashtu, për të bërë një analizë të kujdesshme se përse jemi në këtë situatë. Padyshim jemi, cilat duhet të jenë mjetet juridike në kontekstin shqiptar.
Ne të huajt nuk mund ta përcaktojmë atë axhendë, ajo duhet caktuar nga shqiptarët”, theksoi ai.
Shefi i OSBE-ODIHR-it këshillon se duhet pasur kujdes sa i takon aplikimit të teknologjisë në zgjedhje.
“Kur bëhet fjalë për votimin elektronik ka shumë këndvështrime, dhe se nuk ka vetëm një sistem të caktua.
Nëse do të rrisë besimin, që mund të jetë një lloj përfitimi.Por mund të krijohen probleme të reja dhe njerëzit nuk mund t’i besojnë sistemit. Mendoj se i takon komisionit të ri të reformës zgjedhore të adresojë këtë çështje.
Unë jam takuar me të dy bashkëkryetarët e komisionit dhe ata duhet të përcaktojnë axhendën e punës. Ne jemi në dijeni se partitë po diskutojnë.
Ndërkohë që kemi vënë re se partitë më të vogla gjithashtu janë në favor të votimit elektronik. Por çfarë është votimi elektronik? A është karta e identitetit? A flitet për fletën e votimit?
Është procesi i numërimit? Duhet më parë përcaktuar se çfarë është”, konstatoi ai.
Komisioni parlamentar i Reformës Zgjedhore pritet vetëm të institucionalizohet, me thirrjen e mbledhjes së parë nga kryetari i Kuvendit.
