Vetëplagoset me armë zjarri në banesën e tij polici i Kakavijës. Motivet janë ende të panjohura.
Burime të policisë bënë të ditur se Sotiraq Alika, punonjës policie në pikën kufitare të Kakavijës është vetëplagosur në banesën e tij në Gjirokastër.
Shkaqet e ngjarjes janë ende të paqarta.
Vetëplagoset për motive të panjohura polici i Kakavijës
Viktima është transportuar në gjëndje të rëndë në spitalin rajonal “Omer Nishani”.
Burime informacioni nga spitali thanë se gjëndja shëndetësore e policit është e rëndë dhe po i nënshtrohet ndërhyrjeve mjekësore.
Në njoftimin e publikuar nga Policia vendore e Gjirokastrës për ngjarjen shkruhet:
Rreth orës 21:30, në banesën e tij, në lagjen “18 Shtatori”, Gjirokastër, punonjësi i policisë së DRKM Gjirokastër, S.A, 58 vjeç, është vetë plagosur me armë zjarri.
Menjëherë është shoqëruar për në spitalin rajonal Gjirokastër për ndihmë mjekësore ku ndodhet në gjëndje të rëndë për jetën.
Në vendngjarje ka shkuar grupi hetimor ku po punon për zbardhjen e plotë të rrethanave të ngjarjes.
Engjëll Serjani
24.01.2018
