Durrësi është një ndër qytetet në Shqipëri, ku ndodhin më shumë vepra penale. Të dielën e kaluar në këtë qytet ndodhi një pengmarrje. Një person u rrëmbye dhe u dhunua me sende të forta. Ditën e sotme, detaje të reja janë zbuluar lidhur me këtë ngjarje.
Arsyet e ngjarjes së rëndë
Burime nga policia bëjnë me dije se akti i rëndë ka ndodhur për shkak të një borxhi të pashlyer nga ana e të dhunuarit. Gjithashtu, bëhet me dije se u arrestua Gj. Q., 30 vjeç, banues në Yzberisht, si i dyshuar për ngjarjen, por edhe dy vëllezërit. Ata akuzohen se në bashkëpunim me njëri-tjetrin, me mjetin në pronësi të 30-vjeçarit, e kanë marrë pa dëshirë në mjet duke e dhunuar fizikisht të lënduarin K.P., 33 vjeç, banues në Durrës. Kjo, pasi 33-vjeçari, u ka një shumë të konsiderueshme parash borxh dy vëllezërve. Ai ua ka shtyrë prej kohësh, në pamundësi për t’ua kthyer. Por pikërisht, prej shtyrjes së afatit në mënyrë të përsëritur, dy vëllezërit dhe miku i tyre, kanë vendosur të bëjnë vetëgjyqësi, e cila përfundoi me tre të arrestuar.
Vetëgjyqësi në Durrës, arrestohen dy vëllezërit që dhunuan me sende të forta 33-vjeçarin
Policia u sinjalizua nga një banor, që pa ngjarjen. Pas ndjekjes të të dyshuarit, ata e lanë të lirë pranë Urës së Dajlanit. I lënduari u kishte borxh 13 mijë euro, pasi kishte blerë një apartament tek dy vëllezërit. E gjithë ngjarja ndodhi pasi ai nuk e kishte paguar të gjithë shumën, për të cilën kishin rënë dakord më përpara.
NJOFTIMI
Më datë 16.04.2018, u arrestua në flagrancë shtetasi Gj.Q. 30 vjeç, banues Yzberish, Tiranë, si dhe u bë e mundur dy ditë më vonë kapja e shtetasve J.N. dhe Xh.N. banues në Durrës. Në bashkëpunim me njëri-tjetrin, me mjetin në pronësi të shtetasit Gj.Q., ata e kanë marrë pa dëshirë në mjet duke e dhunuar fizikisht shtetasin K.P. 33 vjeç, banues në Durrës pasi ky shtetas i ka lekë borxh dy vëllezërve. Neni 110/2 i Kodit Penal.
Për lajm-shqip:
Jorida Fataj
