Shqipëria ka kapacitete të mbajë deri në 600 mijë refugjatë. E ka treguar këtë edhe në të kaluarën gjatë luftës së Kosovës”. Janë fjalët e zv.ministrit të Brendshëm Julian Hodaj në një intervistë për televizionin gjerman ZDF.
Në një reportazh të shkurtër të këtij rrjeti të titulluar “Më shumë refugjatë në Ballkanin perëndimor” flitet për propozimin e qeverisë austriake sipas së cilës zgjidhja për refugjatët që kanë vërshuar në Europë është ngritja e një kampi në një nga vendet jashtë BE. Një prej këtyre vendeve është konsideruar Shqipëria dhe sipas ZDF zyrtarët shqiptare nuk janë kundër kësaj ideje.
“Në të ashtuquajturën rrugë Ballkanike Perëndimore nga Greqia nëpërmjet Shqipërisë dhe vendeve të tjera në Austri, numri i refugjatëve po rritet përsëri. Sipas qeverisë austriake në Shqipëri mund të krijohet qendër refugjatesh për gjithë BE. Edhe qeveria shqiptare duket se nuk është kundër. Ajo shpreson për mbështetje financiare dhe anëtarësim në BE”, thuhet në reportazh.
Vasili: “Kryeministri MITOMAN gënjeu për refugjatët, ka pranuar të marrë 600 mijë”
Deri tani qeveria shqiptare thotë se nuk e ka marrë zyrtarisht një propozim të tillë, por Zv.ministri i Brendshëm Hodaj thotë se vendi ynë i ka kapacitetet për të përballuar një fluks të tillë.
“Shqipëria ka kapacitete të mbajë deri në 600 mijë refugjatë. E ka treguar këtë edhe në të kaluarën gjatë luftës së Kosovës”, ka thënë Julian Hodaj.
Është deklarata e parë e një zyrtari të lartë shqiptar që del në favor të hapjes së kampeve të refugjatëve nga lindja në vendin tonë.
Ndërsa Petrit Vasili e ka cilësuar si MITOMAN kreyminsitrin Edi Rama. Ja deklarata e tij:
“Ky kryeministër MITOMAN, pa gënjeshtrën s’jeton dot. Ndonjë nga budallenjtë ose budallaçkat, që i rrijnë perqark e ka bindur që është shumë i zoti kur gënjen në vend që t’i thonë copë,. që duket komplet tuaf, i shplarë dhe ordiner kur gënjen.
Dhe ky gënjen kaq shumë dhe pa pushim saqë ndonjë ditë edhe në thëntë ndonjëherë të vërtetën, jo vetëm që s’do ta besojë asnjeri, por as ai vetë nuk do ta besojë veten. Tamam një MITOMAN kështu u shfaq edhe në problemin e refugjatëve.
Zv.Ministri i Brendshëm Julian Hodaj deklaron për ZDF gjermane një nga mediat absolutisht më të rëndësishme dhe të mëdha të Gjermanisë: “që kanë kapacitet dhe eksperiencë për deri në 600.000 azilante nga Siria”. A e beson njeri qe ZDF interviston rastësisht një zëvendësministër të vogël të Shqipërisë së vogël.
Vasili: “Kryeministri MITOMAN gënjeu për refugjatët, ka pranuar të marrë 600 mijë”
Kryeministri pak dite me pare deklaroi nje genjeshter te pacipe te gjate sa vete ai dhe ja çfare tha:
“Ndërkohë sa i përket një kampi refugjatësh në funksion të Bashkimit Evropian këtu në Shqipëri dhe kjo është një fantazi. Unë as nuk e kam dëgjuar ndonjëherë të artikuluar dhe as nuk e kam menduar ndonjëherë se mund të ndodhë,”
Ha ha ha….Nuk e paska dëgjuar asgjë ky gënjeshtari kryeministër, atëherë le të dëgjojë zv.ministrin e tij që foli ne ZDF.
Kryeministri MITOMAN për të kapur negociatat është gati të shkatërrojë Shqipërinë dhe të marrë 600 mijë refugjatë, ndërkohë që shtete shumë e shumë herë me të fuqishme se Shqipëria nuk e marrin përsipër këtë gjë e jo me ky që i la shqiptarët pa bukë. Ky kryeministër, që ka bërë dhjetra mijra shqiptarë që të marrin arratinë nga Shqipëria do që të marrë 600 mijë refugjatë.
Ne vend se te luftoje trafiqet dhe krimin e organizuar. ai eshte bere njesh me to.
Rruga më e lehtë e kryeministrit për t’i hedhur hi syve Europës është të marrë refugjatët, të shkatërrojë Shqipërinë dhe t’jua bëjë jetën edhe më të padurueshme shqiptarëve, që edhe ata që kanë mbetur të ikin akoma më shumë.
Ndaj mos i besoni kurrë këtij për çdo gjë që thotë është thjesht një MITOMAN”.
Për lajm-shqip:
Jorida Fataj
20.06.2018
