Fjalia e këtij titulli, perifrazon pjesërisht vargjet e Nolit të madh. Pikërisht vargu: “Pranë detit i palarë, pranë burimit të papirë”, i shkon për shtat banorëve të Rrjacës.
Pranë detit i palarë, pranë burimit të papirë.
Sikur burimi të kishte dalë tani, do konsiderohej shpëtimtarë për 5 mijë banorët e këtij fshatit. Por burimi ka qenë në krye të fshatit “denbabaden”. Qëkurse njerëzit u vendosën në këto troje, perëndia do tu falte më shumë ujë sesa tokë. Për këtë të fundit Rrajcarët janë kacafytur me njëri-tjetrin. Dosjet e ankesave për ujë do ti merrnin frymën pushtetit vendor ndër vite. Dhe Bashkia gjeti zgjidhjen.

U kujtua që burimi i Rrajcës së Sipërme rridhte natë ditë, por nuk hynte në shtëpitë e fshatarëve. Me pak shpenzime Bashkia bën të mundur furnizimin e fshatit me ujë pa ndërprerje. Është një investim i orëve të fundit për të futur në tuba burimin e Vëllçanit. Për pak ditë linja e re hyn në funksion. Kështu, 120 familje Rrajcjare do të kenë ujë 24 orë. Atëherë banorët do të thonë:-“Sa afër burimi, sa pak lekë për ta patur në shtëpi”!
Për Lajm-Shqip
Alfrida Danushi