Shefja e diplomacisë së BE, Federica Mogherini doli në konferencë për shtyp së bashku me kryeministrin e vendit, Edi Ramën. Mogherini e ka quajtur rekomandimin e KE si një fitore të gjithëve. Shqipëria i ka plotësuar kushtet sipas saj për shkak të Reformës në Drejtësi dhe përfshirjes në procesin e Vettingut.
Nisja e negociatave sipas saj kërkon përmbushjen e të tjera angazhimeve nga ana e Shqiptarëve.
Federica Mogherini ka vlerësuar rolin e Shqipërisë në rajon. Gjithashtu ka shtuar se rekomandimi për hapjen e negociatave është bërë në bazë të meritave dhe jo si një dhuratë.
Më poshtë deklarata e plotë e Mogherini-t:
“Urime! Jam veçanërisht krenare që sot jam për të lënë rekomandimet pozitive për herë të parë në historinë e Shqipërisë.
Ky ishte rezultat i një pune kolektive. Nëse do të hidhja sytë disa vite më parë për të parë sesa ndryshime kemi bërë sëbashku, mendoj se do të jetë një ditë e mirënjohjes kolektive. Presidenti, Qeveria, Bashkitë por dhe për qytetarët shqiptarë.
Kjo është një përgjegjësi për të ecur më tej. Dhe gjithmonë mbështetur në meritë. Më kujtohet vitin e kaluar kur përballë mediave u shpreha se Komisioni Evropian do të kishte një rekomandim pozitiv kur të zbatohet Reforma në Drejtësi dhe kur të fillonte Vettingu, ju e bëtë. Kjo është një punë e përbashkët që ne e kemi bërë dhe doja të bashkohesha me kryeministrin për urimin për shqiptarët dhe kolegët e mi në Bruksel.
Federica Mogherini uron shqiptarët në shqip. Festoni, por keni ende shumë punë për të bërë.
Në rekomandim thuhet se Shqipëria ka përmbushur kushtet që ishin vendosur më parë.
Duke thelluar reformat që ne kemi përpara, është moment festimi, por duhet që të ecet para. Është e qartë 100% se ky është një moment që duhet të vazhdojë, jo për shkak të Brukselit, por për vendin tuaj.
Pesë përparësitë do të mbeten element kyç mbi të cilin shqiptarët do të përmbushin nevojat e tyre. Edhe një herë dua ta theksoj se puna që është bërë në këtë vend është e madhe. Ky është momenti për të njohur rezultatin që është arritur nga të gjithë në Shqipëri. Qeveria duhet të bashkëpunojë me opozitën. Të gjithë se bashku duhet të vazhdojmë këtë punë. Do të jetë edhe më e vështirë me negociatat. Roli që Shqipëria ka luajtur në Rajon ka tepër rëndësi.
Marrëdhëniet e fqinjësisë së mirë janë tepër me rëndësi në Rajon. Do të doja t’iu thoja urime edhe për këtë sepse keni vullnet të mirë për të punuar me shtetet e tjera. Shqipëria është një vend që është 100% për politikën e BE, është një qëndrim i përbashkët që e ndajmë dhe kjo është diçka e rëndësishme dhe doja të faldenderoj ty dhe ministrin e Jashtëm.
Jam e sigurt që ajo çfarë do të vijë përpara do të jetë pozitive.”
Për lajm-shqip:
Klajdi Thaçi
18.04.2018.
