Uron motrën dëshmore që lufta s’e la të bëhej nënë….
Një urim, sa i bukur, aq dhe i dhimbshëm. Një 30 vjeçar ka uruar sot motrën e tij. Një urim, që është “ngritur” lart në qiell, aty ku ka “fluturuar” dhe shpirti i motrës së tij.
Lufta në Kosovë, ia preu jetën pa u bërë nuse dhë nënë. Ky fat i keq bashkë me të fejuarin e saj. Historia e trishtueshme vjen nëpërmjet rreshtave të “Bota sot”.
Luljeta Shala do të shuhej në lulen e rinisë. Ajo ra dëshmore bashkë me të fejuarin e saj, Hysen Bujapaj. Ishin nisur nga Shqipëria drejt Kosovës, pikërisht më 8 mars 1998. Plumbat e paramilitarëve serbë nuk do të kursenin jetën e këtij çifti.
Ndaj dhe vëllai i saj, Esat Shala, e ka kujtuar atë, aty ku ajo prehet përgjithmonë. – “ Urime për 8 Marsin, dita e nënës. Lulja e lirisë, që nuk e priti lirinë të bëhet nënë.
Shumë nëna sot e festojnë këtë ditë, por ti, motra ime e shumë të tjera, jo. Ju nuk e pritët këtë ditë, që të bëheshit nëna. Ju nuk deshët, të bëheni nëna, sepse nëna juaj ishte Kosova.
Çlirimi i Kosovës, që nënat të jetojnë të lira në liri”. Kështu shkruan vëllai i Luljetës në një postim të tijin në rrjetet sociale.
Por, për këtë truall të mbushur me plumba, u deshën shumë “Luljeta” dhe “Hysenë”, që toka e djegur të thithte aromën lirisë.
Alfrida Danushi
08.03.2019
