Universiteti ‘Eqrem Çabej’ pjesë e programit ‘Erasmus-Plus’.
Studentë dhe pedagogë të Universitetit ‘Eqrem Çabej’ në Gjirokastër janë përfshirë në disa programe akademike-studimore europiane. Ata janë bërë pjesë e programit ‘Erasmus-Plus’.
Sipas rektorit Prof.dr Bektash Mema, së fundi stafi pedagogjik dhe studentët janë përfitues të programit europian “Erasmus-Plus”.
“Programi “Erasmus-Plus” është një bashkëpunim për shkëmbime në fushën e kërkimit akademik, administrativ dhe studentor. Burim i financimit të programit është Bashkimi Europian. Në këtë program janë duke aplikuar stafi pedagogjik, stafi administrativ dhe studentët e Universitetit tonë”. Deklaroi për Lajm-Shqip rektori Prof.Dr Bektash Mema.
Nga aplikimet individuale të bërë nga ky universitet, deri tani kanë përfituar të drejtën për studime dhe kërkime, 5 studentë dhe 25 pjestarë të stafit akademik.
Tre studentë të programit Teknologji Informacioni, për rreth tre muaj ndoqën studimet në Universitetin De Vigo Galicia në Spanjë.
Studentët thanë se koha e qëndrimit në Spanjë ishtë një eksperiencë e dyfishtë. “Përfituam jo vetëm në planin studimor- akademik, por edhe në kuadër të shkëmbimeve kulturore dhe zgjerimit të kontakteve”.
“Universiteti “Eqrem Çabej” ka krijuar lehtësira për stafin dhe studentët që të aplikojnë dhe përfitojnë nga ky program. Zyra e Mardhënive me Jashtë dhe Qëndra e Informimit Studentor, janë tërësisht në funksion të ndërmjetësimit për aplikantët. Programi “Erazmus-Plus të krijon mundësi që kërkime dhe studimet të jënë të mbështëtura financiarisht”, nënvizon Prof.dr. Bektash Mema.
Studentët përfitues mund të vijojnë studimet e tyre për një periudhë kohe, deri në një semestër në universitete të ndryshme të Europës.
Për lajm-shqip:
Engjëll Serjani
