Performanca e ndërmarrjeve të ujësjellësve u përkeqësua dukshëm, gjatë vitit 2017. Sipas një vlerësimi të tij, Entit Rregullator i Ujit, raportoi se në të gjithë vendin mbulimi me ujë ra në 78.6 përqind në 2017.
Për shqiptarët, Uji është ‘luks’, pasi ujësjellësat janë mbushur me ‘djemtë e partisë’
Ndërsa, ky tregues ka qënë për mbi 80 për qind në vitin 2014.
Nga ana tjetër stafet e mbingarkuara u frynë edhe më tej duke e çuar në 10-të, numrin punonjësve për 1000 lidhje, nga 8 që ishte në vitin 2016.
“Një nga arsyet kryesore të kësaj tendence në rënie të përformancës, është se viti 2017 ka qenë një vit elektoral.
Zakonisht shoqërohet me shtim artificial të numrit të punonjësve në shoqëritë UK, rritjen e shpenzimeve në përgjithësi.
Por, dhe të një rënie të vullnetit të zbatimit të ligjit që reflektohet në uljen e normës së arkëtimit”, sqaron Enti Rregullator i Ujit. Kjo shkruhet në raportin e aktivitetit të UK-ve për vitin e kaluar.
ERU referon me tej se mbulimi i kostos është përkeqësuar me 5%, për shkak të rritjes së shpenzimeve.
Kryesisht nga rritja e numrit të punonjësve, energjisë elektrike, si edhe i zërit të riparim-mirëmbajtjes.
Qeveria qendrore në 2017 ka dhënë subvencion prej 11 milionë lekë. Vlerësohet se vetëm 18 nga 57 shoqëri mbulojnë kostot mbi 100%. Por këto përfaqësojnë vetëm 56% të popullsisë së shërbyer.
Norma e arkëtimit ka pësuar një rënie me 8%, për shkak të tendencës së moszbatimit të ligjit në periudhën elektorale.
Efiçenca e stafit ka një përkeqësim me 2 persona për 1000 lidhje më shumë. Në vlerë absolute, numri i punonjësve të punësuar nga vetë shoqëritë është rritur me 519 punonjës. Kjo, vjen si rezultat i efektit të vitit elektoral për punësimet artificiale.
“Kohëzgjatja e furnizimit me ujë” si tregues ka mbetur pothuajse i pandryshuar (zvogëluar me 0.9 orë/ditë). Duke pasur parasysh vështirësitë në matjen dhe llogaritjen e tij, është i vështirë interpretimi i ecurisë së këtij treguesi shpjegon ERU.
www.lajm-shqip.com
