Disa prej emrave më të mëdhenj të teknologjisë janë bashkuar me udhëheqësit e botës, artistët dhe shkencëtarët në nderime për Stephen Hawking.
Fizikanti i njohur vdiq ditën e sotme në moshën 76 vjeçare.
“Bota ka humbur një mendje të bukur dhe një shkencëtar të shkëlqyer,” tha drejtori i Google (GOOGL) Sundar Pichai në Twitter.
CEO i Microsoft (MSFT) Satya Nadella gjithashtu falenderoi, duke thënë se “trashëgimia dhe shkëlqimi” i Hawking do të vazhdojë të jetojë.
“Ne kemi humbur një njeri të madh sot,” tha Nadella në një postim në LinkedIn.
“Unë besoj se e ardhmja afatgjatë e racës njerëzore duhet të jetë në hapësirë,” tha Hawking në një intervistë me CNN në vitin 2008. “Raca njerëzore nuk duhet t’i ketë të gjitha vezët e saj në një shportë apo në një planet”.
Disa nga sipërmarrësit më të mëdhenj të teknologjisë tani po garojnë për ta bërë atë vizion një realitet.
SpaceX, kompania e themeluar nga CEO i Tesla (TSLA) Elon Musk, synon të kryejë fluturimet e saj të para me njerëz këtë vit pas disa misioneve pa pilotë.
Jeff Bezos, aktualisht njeriu më i pasur në botë, planifikon të dërgojë turistë në hapësirë vitin e ardhshëm përmes firmës së eksplorimit të hapësirës Blue Origin.
Po kështu edhe miliarderi Richard Branson, kompania e të cilit Virgin Galactic dikur i premtoi Hawking një udhëtim në hapësirë.
Industria gjigande e teknologjisë së Indisë gjithashtu kujtoi Hawking.
Grupi Tata, i cili zotëron kompaninë më të madhe të shërbimeve indiane të teknologjisë, ndau një citat nga fizikanti duke thënë: “Armiku më i madh i dijes nuk është injoranca, është iluzioni i dijes”.
Po ashtu, Anand Mahindra, kompania e të cilit Tech Mahindra është një tjetër firmë e madhe outsourcing, postoi në Twitter se Hawking ishte një kujtesë e vazhdueshme se si shpirti njerëzor mund të triumfojë, pavarësisht fatit të keq që mund të përndjekë dikë.
