Një grua në Berat, pa dashur ka djegur me duart e veta pronën e saj. Ka dashur të djegë shkurret, por flaka ka shpërthyer në parcelat e ullinjëve. Sipas burimeve të policisë vendore, dje, rreth orës 14:00, në fshatin Bilçë, ka rënë zjarr në një parcelë me ullinj. Kjo e fundit, pronë e shtetasit V.M., vjeç 63, banues në Bilçë.
U vë zjarrin shkurreve, i marrin flakë parcelat me ullinj….
Për pasojë, janë djegur pjesërisht disa rrënjë ullinj. Policia është gjendur shpejt në vendngjarje dhe ka kryer hetimet. Nga deklarimet e marra, rezultoi se zjarri, ka ardhur si pasojë e djegies së disa ferrave nga bashkëshortja e tij.
Ajo është shtetësja, V.M., vjeçe 62, banuese në fshatin Bilçë. Materialet u referuan në Prokurorinë pranë Gjykatës së Shkallës së Parë Berat, për vlerësim.
Për Lajm-shqip
Alfrida Danushi
