Kënga Magjike, shpërthen këngëtari, Pseudoartistët që blenë finalen. Emri i këngëtares Evi Reçi nuk është i vetmi që ka mbetur jashtë natës finale të Këngës Magjike. Natyrisht që bashkë me Evin ka edhe shumë kolegë të tjerë që nuk do mundin të prekin emocionet e natës finale.
Mes atyre që kanë mbetur jashtë Këngës Magjike është edhe Klejti Mahmutaj.
Ai mocionoi të gjithë publikun me baladën e ndjerë “Më mbaj”.
Në një status në Instagramin e tij, pasi ka lajmëruar që nuk do të këndojë sonte në Këngën Magjike, Klejti ka shpërthyer nga zemërimi kundrejt disa artistëve. Sipas tij këta artistë janë pseudoartistë që bëjnë pazare mes tyre dhe që e kanë blerë finalen.
“Përshëndetje, miq, kolegë, dashamirës. Rrugëtimi im “magjik” përfundoi në gjysmëfinale. Kolegët e nderuar që paskan dëgjuar me veshët mbrapa koke e mendjen te pazaret kanë vënë firmën e tyre prej pseudoartistësh në ato fleta me të cilat kanë blerë finalen e tyre.
Ky qenka arti shqiptar, nuk shkuake dot shumë larg nëse nuk di dhe pranon të bësh kompromise, nëse nuk bëhesh si ata, nëse nuk këndon me pikë. Me sa duket, zëri, talenti, interpretimi hidhen në kosh përpara pazareve. Suksese të gjithëve, e fitoftë më i miri”, citon Noa.
