Sherri dhe xhelozia për femrat që kishin në krah, të cilat ishin ngacmuar nga i plagosuri, ka bërë që dy të rinj të zbrazin karikatorin e pistoletës mbrëmjen e të dielës në kryeqytet. Policia sot ka vënë në pranga një  person dhe pasi ka identifikuar autorët, i ka shpallur ata në kërkim. I prangosuri tha policia ka ndihmuar dy autorët të largohen nga vendi i ngjarjes me mjetin tip “Opel”.

U kishte ngacmuar të dashurat, kërcët pistoleta në kryeqytet

Një ngjarje aspak e këndshme ka ndodhur mbrëmjen e djeshme në Tiranë, ku tre të rinj janë konfliktuar me njëri-tjetrin. Dy persona janë shpallur në kërkim nga policia, pasi kanë tentuar të vrasin me pistoletë një 25-vjeçar. Ngjarja ka ndodhur për motive banale, ku njëri nga djemtë ka ngacmuar të dashurat e të dy personave që janë edhe në kërkim nga Policia e Shtetit Shqiptar.

Emrat e autorëve në kërkim janë Xhoni Hitaj 23 vjeç dhe Albert Gjonpalaj 22 vjeç. Hitaj, i cili është me origjinë nga Librazhdi, rezulton person me precedentë të mëparshëm penalë. Mësohet se ai është arrestuar në vitin 2016-të për kanosje të tre personave.

23-vjeçari, së bashku me një shokun e tij, ishin konfliktuar me tre të rinj në rrugën “Nuçi Naçi” në kryeqytet dhe i kishin kërcënuar me armë. Në atë kohë, policia i gjeti atij një pistoletë me 10 fishekë dhe materialet iu referuan Prokurorisë për kanosje dhe armëmbajtje pa leje.

Këta dy shtetas, ditën e djeshme rreth orës 21:10, në bulevardin “Bajram Curri”, pas një konflikti për motive të dobëta kanë tentuar të vrasin me armë zjarri shtetasin A.B., 25 vjeç, banues në Tiranë.

Mësohet se motivi i sherrit që çoi në përdorimin e armëve ishte se i plagosuri kishte ngacmuar të dashurat e dy autorëve.

Për lajm-shqip:

Jorida Fataj

15.05.2018