Presidenti amerikan Donald Trump ka hedhur poshtë aludimet mbi shëndetin e tij mendor në librin bombastik. Duke e quajtur veten një gjeni shumë stabël. Libri i Michael Wolff, sugjeron se edhe persona të afërt me Trumpin kanë vënë në pikëpyetje kapacitetin e tij. Presidenti amerikan ndërkohë ka kritikuar librin. Duke e quajtur Wolff, një dështak.
Përplasja ka lënë në hije një takim të rëndësishëm të republikanëve. Që përpiqen të parashtrojnë prioritetet e tyre për 2018. Një takim në Camp David do të fokusohet gjerësisht tek një strategji para zgjedhjeve të mesit të mandatit në nëntor. Trump do të jetë i pranishëm.
Por zhurma e shkaktuar nga libri ishte sërish në fokus.
Me presidentin që akuzonte demokratët dhe median e fake news se po kapeshin më kot mbi stabilitetin mendor dhe inteligjencën.
“Në fakt, gjatë jetës sime, dy asetet më të mëdha kanë qenë stabiliteti mendor. Dhe të qenit me të vërtetë i zgjuar. Hillary Clinton po ashtu i luajti këto karta. Dhe u dogj në flakë siç e panë të gjithë. Unë kalova nga një biznesmen shumë i suksesshëm në një yll televiziv. Mendoj se kjo më bën jo thjeshtë të zgjuar. Por një gjeni.” shkruante Trump në Twitter.
“Fire and Fury” doli në shitje të premten. Disa ditë më parë nga sa ishte parashikuar. Libri u shndërrua menjëherë në një best seller. Pavarësisht përpjekjeve të avokatëve të Trump për ta ndaluar atë.
06.01.2018
