Shkencëtari Cameron Stewart ka studiuar dhe ka zbuluar një gjen të ri në sistemin imunitar të trupit të njeriut dhe, sipas tij, ky gjen mund të trajtojë sëmundje si kanceri dhe sëmundjet autoimune. Sipas shkencëtarit dhe kolegëve të tij, ky gjen u paraqit në organizëm para 500 milionë vjetëve në organizma shumë më të thjeshtë se njerëzit.
Tre vjet studime/ Zbulohet gjeni që shëron kancerin …
Organizmi jonë është i përbërë prej trilionë qelizave, të cilat janë njësitë themelore strukturore dhe funksionale te të gjithë organizmat e gjalla. Që trupi i njeriut të mbetet i shëndoshë, çdo ditë shumohen qeliza të reja dhe të shëndosha, ndërsa të vjetrat dhe ato jofunksionale vdesin.
Por, ndonjëherë ky procesi i ndërlikuar nuk zhvillohet sipas ligjeve të natyrës. Në një moment qelizat e vjetra dhe jofunksionuese, vazhdojnë të rriten dhe të shumohen në mënyrë të pakontrolluar. Dallimi te qelizat normale dhe anormale është në dëmtimin e DNK. Te qelizat normale nëse shfaqet ky problem, qelizat vdesin, ndërsa te qelizat anormale edhe krahas asaj që janë jofunksionale dhe të dëmtuara ato vazhdojnë të rriten.
Qelizat e reja anormale, formojnë masë kancerogjene e cila quhet tumor. Qelizat e këtyre tumoreve shumohen aq shpejt dhe mund të përhapen dhe t’i kaplojnë indet dhe organet që janë në afërsi.
Disa njerëz mund ta trashëgojnë kancerin.
“E kemi gjetur këtë gjen duke studiuar viruset. Viruset nuk mund të reproduktohen vetvetiu, ata duhet të kenë ndihmën e gjeneve për ta bërë këtë”, thotë Dr. Stewart. Ky proces na ka marrë rreth tre vite kohë dhe kemi punuar me përkushtim mjaft të madh”.
Dr Stewart dhe kolegët e tij i kanë publikuar zbulimet e tyre në librin “Journal of Biological Chemistry”, në maj dhe për arsye se ata kanë gjetur funksionin e një gjeni që nuk është studiuar më parë, ata kanë të drejtë ta emërtojnë atë.
Për lajm-shqip:
Jorida Fataj
02.07.2018
