Tre bukuroshe shqiptare do të garojnë për kurorën e më të bukurës së Zvicrës për këtë vit.
Dorina Podrimja, Anita Mustafa dhe Heidi Lushtaku janë tri shqiptaret, që të tria nga Kosova, që do të konkurrojnë për kurorën e Miss Zvicrës. Dy të parat janë të lindura e të rritura në Zvicër ndërsa e treta ka shkuar në Zvicër në klasën e parë të fillores.
Dhe, veç tre shqiptareve, në garë konkurrojnë edhe tre vajza të tjera nga Ballkani, dy nga Kroacia dhe një tjetër nga Serbia.
“Emrat nuk tingëllojnë shumë zvicerane, kjo tregon ndryshimet në kohë dhe është një dukuri që ne sot e kemi realitet në vendin tonë”, ka thënë Karina Berger, që është në krye të organizimit të spektaklit, raporton Albinfo.ch.
19.02.2013
Burimi: Gazeta Tema
