Gjatë pasdites së djeshme, gjatë natës dhe mëngjesit të sotëm, brenda 24 orëve, në aksin rrugor Gjirokastër-Tepelenë janë shënuar tre aksidente automobilistike.
Në zonën e Viroit janë përplasur dy automjete dhe për pasojë janë plagosur dy persona.
Të ngjashme mund të lexoni:
Tre aksidente brenda 24 orëve në rrugën Tepelenë-Gjirokastër
Të aksidentuarit janë dërguar në repartiin e urgjencës të Spitalit Rajonal të Gjirokastrës ku morën ndihmën e parë dhe mjekim.
Informacionet paraprake nga spitali bënë të ditur se njëri nga të plagosurit ndodhet në gjendje më të rëndë.
Lidhur me rrethanat e ngjarjes policia tha se aksidenti ka ndodhur në pjesën e dëmtuar njëkalimshme të rrugës së Viroit.
Një aksident tjetër pa pasoja ka ndodhur tek kthesa e Luzatit. Ndërsa aksidenti i tretë u shënua sot në mëngjes në afërsi të fshatit Picar.
Të tre aksidentet kishin të përbashkët pakujdesinë e drejtuesve dhe kushtet e vështira atmosferike.
Për lajm-shqip
Engjëll Serjani
