Tragjedi në Brazil. Të paktën 180 persona kanë vdekur pasi një zjarr përfshiu një klub nate në jug të Brazilit, sic raportojnë mediat lokale. Ngjarja bëhet edhe më e rëndë, po t’i referohemi deklaratave që numri i viktimave mund të rritet.
Ngjarja ka ndodhur në klubin ‘Kiss’ të qytetit Santa Maria, ndërsa një grup kërcimtarësh gjatë performancës kanë hedhur fishekzjarre.
Përvec zjarrit, shumë persona vdiqën nga tymi, pasi klubi ishte edhe i izoluar, thonë autoritetet policore.
TV Globo në Brazil thotë se trupat e viktimave po nxirren nga klubi, ndërkohë që nuk përjashtohet mundësia e të tjera viktimave, duke patur parasysh faktin që kapaciteti i klubit të natës ishte rreth 2 mijë persona.
“Forcat zjarrfikëse po kërkojnë për viktima të tjera. Ne nuk mund të japin një numër të saktë të viktimave”, ka thënë shefi i zjarrfikësve.
27.01.2013
Burimi: Balkanweb
