Italiani dhe shqiptari ishin duke punuar në një lartësi prej 10 metrash, kur krahu i vinçit që i mbante është shkëputur dhe të dy kanë rënë në tokë.
Punëtorët po bënin disa punime elektrike në zonën e Ravenës në Itali.
Italiani Giovanni Liverani, ndërroi jetë.
Rënia ka qenë fatale për italianin 45-vjeçar Giovanni Liverani, nga Faenza, i cili ka humbur jetën menjëherë.
Ndërkaq shqiptari, një 18 vjeçar është dërguar me urgjencë në spitalin e Cesenës, ku ndodhet në gjendje të rëndë.
Në momentin kur ka rënë vinçi nuk ka pasur punëtor të tjerë aty pranë, por zhurma ka qenë shumë e fortë dhe është dëgjuar larg.
Menjëherë ndaj tyre ka ardhur ndihma e parë dhe më pas edhe dy ambulanca.
Policia ka nisur hetimet për të zbardhur shkakun e rënies së vinçit, raporton syri.net.
www.lajm-shqip.com
