Mediat franceze shkruajnë se katërmbëdhjetë persona janë arrestuar në mars, si pjesë e hetimit të një rrjeti që ka trafikuar mijëra emigrantë të paligjshëm. Në një vit, rrjeti kishte kaluar rreth 3000 shtetas, kryesisht shqiptarë ose kosovarë, nga Ballkani në lindje të Francës.
Ja si largoheshin nga Shqipëria drejt shteteve europiane
Sektori u çmontua pjesërisht këtë javë, në Metz dhe Strasburg.
Ishte shumë i organizuar: “Autobusët u largonin nga Shqipëria, kalonin nëpër vende të ndryshme para se të mbërrinin në Francë, duke i lënë njerëzit nëpër shtet si Italia, Gjermania dhe Belgjika”, dhe për AFP drejtori i Policisë Kufitare të Zonës Lindore, Christian Lajarrige.
Trafikonin emigrantë të paligjshëm shqiptarë, shkatërrohet grupi mafioz …
Pasagjerët u vendosën kryesisht në Metz dhe Strasburg. Organizata transportonte të paktën 4 autobusë me njerëz çdo javë.
“Ata i linin në një ndërmarrje ndërtimi në rajonin e Parisit “, tha Christian Lajarrige.
Me një biletë të paguar prej 200 euro, përfitimi i kontrabandistëve vlerësohet të ishte 600,000 euro.
“Kjo është një çështje e rëndësishme duke pasur parasysh vëllimin potencial të njerëzve që kanë përfituar nga ky rrjet”, tha Christian Lajarrige.
Nëntë persona në total u paditën për ndihmë, hyrjen ose qëndrimin e paligjshëm të të huajve në territorin francez, si pjesë e një grup të organizuar.
Për lajm-shqip:
Jorida Fataj
